Kastæfing á Klambratúni í boði Stefáns B. Hjaltested og JOAKIM´S ehf.

 

                

Nú ætlum við að endurtaka leikinn frá því í fyrra og hafa létta kastæfingu á Klambratúninu vestanverðu  sunnudaginn 20.maí kl.14:00. Það er Stefán Bjarni Hjaltested sem mun hafa yfirumsjón með kastæfingunni og leiðbeina.
Á staðnum verða allar gerðir JOAKIM´S flugustanga sem hægt verður að prófa.  Nú er um að gera að mæta og liðka kasthendina aðeins. Léttar veitingar í boði JOAKIM´S ehf.  Allir velkomnir.
Vonumst til að sjá sem flesta.
JOAKIM´S ehf
Jón V.Óskarsson

 

 

Opnun í Breiðdalsá.
Júlíus Guðmundsson með glæsilegan fisk í Breiðdalsá.


KÆrar Þakkir til allra sem mÆttu Á KlambratÚniÐ

 
Við viljum þakka öllum sem mættu á Klambratúnið sunnudaginn 8.maí í frábæru sumarveðri  til að prófa stangir og æfa köst.  Vonandi verður  þetta að árlegum viðburði hjá okkur og jafnvel  bætum fleiri dögum við á næsta ári. Okkur hjá JOAKIM´S þótti þetta frábærlega gaman og þökkum kærlega fyrir þær góðu undirtektir sem við fengum.





 

HvaÐ ÞÝÐa merkingarnar IM6, IM7, IM8 og IM10? 

                

Samkvæmt okkar bestu vitund er ekki til neinn viðukenndur staðall fyrir IM6, IM7, IM8 og IM10 heldur er hér um að ræða flokkun sem framleiðendur nota til að auðkenna sínar stangir í samræmi við fjölda milljóna "Modulusa" í grafítinu. Það er erfitt að íslenska þetta en gefur vonandi einhverja mynd af hvað um ræðir. Modulus er notað til að lýsa stífleika á móti þyngdarhlutfalli í grafíti sem er notað til að búa til stangirnar. Það virkar svona…. þegar kastað er þá svignar stöngin undan þyngdinni á línunni og maður nær upp hleðslu. Þegar stöngin stoppar þá hleypir hún aflinu af stað og keyrir línuna áfram. Þegar þú eykur "modulusinn" í grafítinu þá eykur þú kraftinn sem grafítið getur geymt og sleppt. Þú eykur líka hraðann í stönginni og kraftinn sem hún getur geymt. Hér áður fyrr voru allar grafít flugustangir IM6 eða IM7 og reyndust þær afburða vel eins og til dæmis Sage II sem var IM6 grafít. Þessar stangir bara entust vel og voru í alla staði góðar. Til að mæta kröfum um léttari og hraðari stangir var farið að framleiða IM8 og síðar IM10 en við þetta urðu stangirnar líka stökkari og viðkvæmari fyrir hnjaski. Aftur á móti urðu þær öflugri og veiðimönnum gekk betur að kasta á móti vindi. Eftir því sem hærra er farið því viðkvæmari verður stöngin og er það skýringin á því hvers vegna veiðimenn brjóta oftar þessar nýrri stangir sem eru IM8, IM10 eða GLX.

Fyrir neðan er almennt dæmi um "modulus" mælikvarði með notkun "G Loomis" staðals.
GLX - 65 million modulus
IMX - 55 million modulus (IM10)
GL3 - 47 million modulus (IM8)
GL2 - 42 million modulus (IM7)
IM6 - 38 million modulus
Standard Graphite - 33 million modulus

( Þessar upplýsingar eru fengnar af netinu og íslenskaðar. JVÓ )

 

VÖruÚrval JOAKIM´S ehf.

Í upphafi árs 2003 voru fyrstu Joakim´s flugustangirnar seldar eftir eins og hálfs árs undirbúning og hönnunarvinnu. Það voru því bara flugustangir til að byrja með en 2005 fengum við hjól og síðar fleiri vörur sem tengjast fluguveiði. Núna getum við boðið nánast allt sem þarf til fluguveiða og líka króka, kúlur og keilur í hnýtingarnar. Til að skoða vöruúrvalið smellið þá á tenglana hér vinstra megin á síðunni.